पोखरा उद्योग वाणिज्य संघद्धारा व्यापार मेला

पोखरा, १८ पुस

पोखरा उद्योग वाणिज्य संघद्धारा पोखराको प्रदर्शनी केन्द्र नयाँ बजारमा शुत्रबारदेखि आयोजना हुने व्यापार मेलामा पूर्व मेचीदेखि पश्चिम महाकालीसम्मका उत्पादन पाइने भएको छ । मेलामा पूर्व मेचीदेखि पश्चिम महाकालीसम्मका औद्यौगिक तथा घरेलु उत्पादनका स्टल रहेको जानकारी दिँदै संघका महासचिव तथा मेला प्रचारप्रसार समितिका संयोजक अर्जुन पोखरेलले दैनिक उपभोग्य वस्तु, लत्ताकपडादेखि गाडी र फूलहरु पनि मेलामा प्रदर्शन तथा बिक्रीका लागि राखिएको बताउनुभएको छ ।

चालीसको दशकमै पहिलो पटक पोखरामा व्यवस्थितरूपमा मेला आयोजना गरेको भन्दै संघले २०५२ सालमा आयोजित पोखरा महोत्सव तथा राष्ट्रिय औद्योगिक व्यापार मेलाका पछिल्ला संस्करणबाट उद्यमशीलता वृद्धि तथा आर्थिक गतिविधि चलायमान बनाउन महत्वपूर्ण योगदान गरिरहेको जिकिर गरेको छ ।

देशभर मेला र महोत्सव आयोजना गर्ने लहर चले पनि पोखरामा आयोजना हुने व्यापार मेला तीभन्दा फरक रहेको दावी गर्दै महासचिव पोखरेलले मेला नाफामूलक नभई सहभागितामूलक भएको बताउनुभएको छ । मेलाको प्रवेश टिकट सर्वसाधारणका लागि ६० र विद्यार्थीका लागि ४० रुपैयाँ राखिएको छ । टिकट काटेबापत नेपाल टेलिकमसँगको सहकार्यमा ५० रुपैयाँ ब्यालेन्स भएको नेपाल टेलिकमको प्रिपेड सिम दिइने व्यवस्था मिलाइएको संघका उपाध्यक्ष तथा प्रायोजन व्यवस्थापन उपसमिति संयोजक पवनकुमार प्रजापतिले जानकारी दिनुभएको छ ।

LEAVE A REPLY

Please enter your comment!
Please enter your name here